Oiarpeko Etxeberria eta Zabaletak txapel bana lortu dute
Oier Zabaletak Josetxo Ezkurraren omenezkoa poltsikoratu du. Oihan Etxeberriak Garcia idiazabaldarrarekin irabazi du GRABNI.
Oiarpeko pilotarientzako asteburu polita izan da. Izan ere, jokatu dituzten bi finalak irabazi dituzte, eta txapela Oiartzunera eramatea lortu dute.
Oier Zabaletak Josetxo Ezkurraren omenezko finala jokatu zuen igandean, lau t’erdiko modalitatean. Aritz Olaizola zestoarraren kontra irabazi zuen, eta 18-9 nagusitu zen. Modu horretan, Gazte Mailako txapela jantzi zuen oiartzuarrak.
Gasteizko Ogetan jokatu zen GRABNI txapelketaren finala, Gazte Mailakoa baita ere. Oiarpeko Oihan Etxeberriak Idiazabalgo Garciarekin osatu du bikotea, Gipuzkoa ordezkatuz. Tanto bakarreko aldearekin nagusitu ziren, Nafarroako bikotearen kontra.
Asteburuan beste hemeretzi partida jokatu zituzten Oiarpekoek. Balantzea ez da finaletan bezain ona izan, horietatik zazpi besterik ez baitzituzten irabazi.
Emaitza guztiak ikusteko, egin klik esteka honetan.
-
- Oier Zabaleta txapelarekin, Donezteben.
-
- Oihan Etxeberria (galtza luzeekin), Gasteizen, Garcia bikotekidearekin.
