Argazki jendetsua egingo dute asteazkenean, LGTBIQ+fobiaren kontra
LGTBIQ+fobiaren Kontrako Nazioarteko Egunean argazki jendetsua egiteko deia egin dute, baita margotzearena ere.
Asteazkenera arte egongo da LGTBIQ+ ikusgarritasunaren banderan udaletxeko banderan. LGTBIQ+fobiaren Kontrako Nazioarteko Eguna da maiatzaren 17a. Horregatik, datorren asteazkenerako, deialdia egin dute, fobia horren kontrako ekintza egiteko.
Euskal Herria plazan elkartuko dira, 17:30ean. Margotzea egingo dute ordu horretan, LGTBIQ+fobiaren aurkakoa.
19:00etarako, berriz, argazki jendetsua ateratzeko asmoa daukate, toki berean. Herritar oro gonbidatu dituzte margotzearen zein argazki jendetsuaren parte izatera.
Oiartzungo Feministen Asanbladak antolatu du asteazkenekoa. Herriko beste hiru kolektibo izango dituzte bidelagun: Hatzamarka, Abaraxka ludoteka eta Ku-ku haur literatur ekimenak.
Pasa den hamar egunetan bezala, LGBTIQ+ ikusgarritasuna irudikatzen duen bandera zintzilik egongo da udaletxeko balkoian. Ku-ku Egunean jarri zuten bertan, pasa den maiatzaren 6an. Herriko hainbat jostunek osatutako bandera da jarri duten hori.
