'Zeozertan dabil, baina ez dakit zertan', igandean Landetxen
Metrokoadroka antzerki taldearen lana ikusteko aukera izango da Oiartzungoa. Uda aurretik azken aukera izango da.
Maite Aizpurua, Edurne Azkarate eta Javier Barandiaran dira aktoreak, Marina Suarez Ortiz de Zarate eta Oier Guillanek zuzenduta. Oiartzungo Antzerkizaleen Elkarteak antolatuta, antzerkia ikusteko aukera izango da datorren igandean, hilak 21.
Metrokoadrokak Zeozertan dabil, baina ez dakit zertan antzezlana Landetxen jokatuko du, 19:00etan hasita. Sarrerak 8 euroan daude, udalaren webgunean.
Sinopsia
Etxe bat, edozein etxe. Egongela bat, edozein egongela. Hiru lagun, elkarri galdezka: “Gu familia bat gara?”. Antzezlana hasi eta ikusleak ez du argi izango zein den hiru pertsonaien arteko harremana, baina bere ekintzen harira joango da deskubritzen hiruko honek ezkutatzen duena. Hari horretan, familiari loturiko galderek, kontraesanek eta umorezko zirtoek zeharkatuko dute antzezlana. Familiaren ideiatik tiraka sitcom-a eta poesia bisualaren arteko antzezlana osatu du Metrokoadroka kolektiboak.
