Besteren artean, kontzertuak, herri afari autogestionatua, eta gazte sortzaileen azoka antolatu dituzte Piztu Lezoko kideek.
Hilaren 27ko kontzertuan izango dira Neomak taldekoak 
Mendekosteetarako plana du Piztu Lezok. Hilaren 26tik 28ra egingo dituzte Lezoko urteko lehen festak, eta asteburu horretako egun guztietarako egitaraua ondu du eragileak. Musika da ekitaldien zerrendaren oinarria, baina badaude jarduera gehiago. Gehienak Karlos Saldise plazan egingo dituzte.
Honakoa da Piztu Lezoren proposamenen zerrenda:
Hilak 26, ostirala
- 19:15ean, Elektropottotte elektrotxaranga Gurutze Santuaren plazatik hasita.
- 21:00etan, herri afari autogestionatua Gurutze Santuaren plazan.
- 23:00etan, Iratzar erromeria Karlos Saldisen.
Hilak 27, larunbata
- 18:00etan, Burrunba elektrotxaranga.
- 23:30ean, kontzertuak: Neomak, Dupla eta DJ Liateko Esan Diguten Karlos Saldisen.
Hilak 28, igandea
- 11:00etan, gazte sortzaileen azoka Karlos Saldisen.
