Ekainerako 49 kultur ekitaldi programatu dituzte
Udalak datorren hileko kultur programazioaren berri eman du. Askotariko ekitaldiak izango dira, eta kasu batzuetan sarrerak eskura daitezkeela gogorarazi du.
Gatibuk hilaren 13an eman zuen kontzertuko irudia. Oiartzungo Udalak ekaineko programazioaren berri eman du. 49 ekitaldiren zerrenda plazaratu du, eta ziur aski gehiago izango direla.
Ohi bezala, askotariko programazioa izango da. Kontzertu, hitzaldi, solasaldi, antzerki eta abarrei, Ergoien eta Altzibarko festak batuko zaizkie.
Landetxe eraikineko kultur aretoan izango diren ekitaldien sarrerak erosi edo gonbidapenak udalak horretarako sortu duen webgunean eskura daitezkeela gogorarazi dute.
Astelehenetan, berriz, presentzialki eros daitezke sarrera horiek Landetxe bertako leihatilan. 17:30etik 19:00etara bitartean eskuratu ahal izango dira ekitaldietarako sarrerak.
Salbuespena egongo da: Txiltxoko eta Bulego taldeek hurrengo larunbatean emango duten kontzertua beste webgune batean erosi behar dira.
Programazio osoarekin pdf dokumentua sortu dute.
