Adi portura. Badatoz Zabarre eta Maria Labaien!
Gaur hasiko dira Mendekoste Jaiak, Zabarreren eta Maria Labaienen etorrerarekin. Igandera arte, 33 ekitaldi aukeran.
Maria Labaien eta Zabarre, iaz, Lezora iristen. Iritsi da eguna. Gaurkoa, Lezo itsasotik hurbilago sentitzen den urteko egun bakarrenetarikoa da. Izan ere, hara begira izango direlako lezoarrak 17:45 inguruan: ordu horretan dira iristekoak badiaren zabaletik Zabarre eta Maria Labaien. Mendekoste Jaiak haiei esker hasiko dira. Lurreratu ondoren, udaletxera joango dira, han, Pirata Txikien laguntzarekin, jaiak hasteko. Orotara 33 ekitaldi barnebiltzen dituzte aurtengo mendekosteek.
Igandean bukatuko dira festak. Bitarte horretan adin eta gustu guztietako festazaleek —herrikoak eta bisitariak— badute zer egin, kalean batik bat. Ekitaldi gehien-gehienak kaleak gozatzekoak baitira.
Jarraian, egunez egun, mendekosteen egitaraua:
Gaur (ostirala)
- 17:45. Zabarre eta Maria Labaieni ongietorria kaian. Ondoren kalejira Gurutze santuaren plazara.
- 19:00. Zabarre eta Maria Labaien udaletxera iritsiko dira. Pirata Txikiek pregoia irakurri, eta festak abiaraziko dituzte. Murixkak agurra dantzatuko du.
- 19:15. Elektopottote elektrotxarangaren kalejiraren hasiera.
- 20:00. Preso eta iheslarien aldeko kartelada.
- 21:00. Afari autogestionatua Gurutze Santuaren plazan
- 23:00. Iratzar erromeria Gurutze Santuaren plazan.
Bihar (larunbata)
- 09:30. Eskualdeko dultzaineroen diana.
- 09:30. Motorzaleen elkarretaratzea Itzel kafetegiaren ondoan.
- 11:00. Haurrentzat pintura tailerra Karlos Saldise plazan.
- 12:00. Erraldoi eta buruhandien kalejira.
- 12:00. XX. mende hasierako erromerien dantzen kalejira.
- 13:00. Tomas Garbizu Musika Eskolako bandaren kontzertua Gurutze Santuaren plazan.
- 16:00. Truk txapelketa Tiñelu elkartean
- 16:30. Tomas Garbizu Musika Eskolako ikasleen ganbera kontzertua Gurutze Santuaren plazan.
- 17:30. Goiko Plazako pilotalekuan, Josetxo Etxandi oroitaldiko finalak: benjaminak, Kimu Mailakoak, eta Haur Mailakoak.
- 17:30. ‘Dantzatu gurekin’ jarduera Gurutze Santuaren plazan.
- 18:00. Mutxikoak herritik.
- 18:00. Burrunba elektrotxarangaren irteera Karlos Saldise plazatik.
- 18:30. Erraldoi eta buruhandien kalejira.
- 20:00. Kontzertuak Karlos Saldise plazan: Jaig eta The Hastelen’s.
- 20:30. Oihan Vega DJrekin haur diskoteka Gurutze Santuaren plazan.
- 22:30. Suzko zezena Gurutze Santuaren plazan.
- 23:30. Kontzertuak Karlos Saldise plazan: Neomak eta Dupla.
- 23:30. Oihan Vega DJren saioa Gurutze Santuaren plazan.
Etzi (igandea)
- 09:30. Diana eskualdeko dultzaineroekin.
- 10:00. Sukaldaritza tailerra haurrentzat Karlos Saldise plazan.
- 11:00. Gazte sortzaileen azoka Karlos Saldisen egun osoan zehar.
- 11:00. Herri kirolak haur eta gazteentzat Goiko Plazan.
- 12:00. Herri kirol erakustaldia Gurutze Santuaren plazan.
- 12:30. Buruhandi eta erraldoien kalejira.
- 16:30. Pirataz mozorrotuta, ‘Altxorraren bila’ jarduera Gurutze Santuaren plazatik.
- 19:00. Oinkari Dantza Taldearen ‘Gazte’ ikuskizuna Goiko Plazan.
- 21:45. Suzko zezena eta Tomas Garbizu Musika Eskolako bandaren emanaldia Gurutze Santuaren plazan.
