Tourreko ikurrinari ekarpena egiteko aukera izango da Sagardo Egunean
Gure Eskuk postua jarriko du bihar Oiartzunen, goizez eta arratsaldez. Gure Eskuren materiala ere ero ahal izango da.
Errenteria-Oreretan aurkeztu zuten iniziatiba. Bihar Sagardo Eguna izango da Oiartzunen, eta Gure Esku erabakitzeko eskubidearen aldeko mugimenduak iragarri duenez, bertan izango dira.
Uztailaren 1ean, 2an eta 3an Frantziako Tourra Euskal Herritik pasatuko da. Gure Eskuk deialdia egin du, inoiz egin den ikurrinik handiena egiteko, Euskal Herria mundura iniziatibaren barruan.
Euskal Herriak, erabaki leloa eramango du, euskaraz eta ingelesez, Tourra den erakusleihoa aprobetxatuz aldarria nazioartean zabaltzeko.
Horretarako, diru-bilketa komunitarioa egiten ari dira. Ekarpena egiteko aukera egongo da Sagardo Egunean, goiz eta arratsaldean.
Horrez gain, Gure Eskuren materiala erosteko aukera izango dela iragarri dute.
Ikurrinari ekarpena egiteko beste bi modu daudela gogorarazi dute. Itsulapiko bidez, alde batetik, edo 644 079 065 telefono zenbakira Whatsapp bidez idatziz.
