Ia bikoiztu egin da, 14:00etatik, parte hartzearen beherakada
Orain dela lau urteko hauteskundeetako datuekin alderatuta, 4,39 puntuko beherakada neurtu dute pasaitarren parte hartzeari dagokionez.
Gaurko hurrengo albisterako zinegotziak nor izango diren iragarriko du hedabide honek. 
2019an, 18:00etarako, pasaitarren %48,52k zuen emana boza; aurten, ordea, ordu berean, 4,39 puntu baxuagoa da parte hartze zifra hori, %44,13koa. Informazio hori zenbakitan emanda, 6.050 lagunek bozkatu zuten orain lau urte 18:00etarako, eta aurten, aldiz, 5.422k. Horrek esan nahi du 628 pertsona gutxiagok baliatu dutela botoa emateko eskubidea oraingoz.
2019ko udal hauteskundeetan 4.956 herritar abstenitu ziren (orduko erroldaren %%39,7). Aurten, 12.286 pasaitarrek dute bozkatzeko eskubidea, eta oraingoz 6.864 ez dira hurbildu hauteslekuetara euren papertxoa uztera. Kontuan hartu behar da, edozein kasutan, oraindik ia bi ordu gelditzen direla hauteslekuetako ateak ixteko.
14:00etan eman dituzte lehen parte hartze datuak (ordu hartatik ia bikoiztu egin da parte hartzearen beherakada), eta 18:00ekoak dira azkenak. HITZAK hurrengo albistea argitaratzen duenerako, eskura izango du botoen kontaketa, eta beraz, datozen lau urteotan herriko ordezkari izango direnen izen-abizenak (eta, beharbada, baita hurrengo alkatearena ere).
