Mineralen bila ibiltzeko plana, hilaren 26an
Arditurriko parketxean hileko azken iganderako proposamena egin dute, meatzarien aztarnak bilatzera joateko.
Mineralen bila abiatzeko gonbita egin dute. Arditurriko parketxeak proposamena egin du hilaren 25erako, igandea. Mineralen bila jarduera antolatu dute egun horretako goizerako.
Ibilaldi gidatua izango da, Arditurriko meategian han lan egin zutenek utzitako aztarnak ikusteko. Helburua meatzaritzak utzitako aztarnak ikustea izango dela jakinarazi dute, baita ere ustiatutako mineralak topatzea.
Hori bai, jakinarazi dutenez, aurkitutakoak bertan utzi beharko dira, gaur egun gune hau natura-parkean dago-eta.
Erromatarren garaitik hasita, 2.000 urtez ustiatu zituzten Arditurriko meategiak, pasa den mendearen azken laurdenean itxi zituzten arte.
10:00etan abiatuko da ibilaldi gidatua, parketxetik, eta 12:00etan bukatuko da toki berean. Euskaraz izango da. Prezioei dagokionez, 12 urtetik beherakoek 3 euro ordaindu beharko dituzte, eta adin horretatik gorakoek, 6 euro.
