Inoizko Gazte Egunik jendetsuena izango da 2023koa
Osteguna izango da transferentzia bidez ordaintzeko azkeneko eguna. Ostiralean egin daiteke eskudirutan, ardurak banatzeko batzarrean.
Iazko kopurua 115 lagunetan gaindituko du aurtengo Gazte Egunak. Xanistebanetako Gazte Eguna iristeko bi hilabete falta diren arren, aurreko prestakuntzek bere bidea jarraitzen dute.
Biyurrieneak jakinarazi duenez, aurtengo gazteen bazkaria inoizko jendetsuena izango da: 930 lagun elkartuko dira. Iazko marka askogatik gainditu dute, 2022an 815 lagunek parte hartu baitzuten.
Bazkariaren eta kamisetaren prezioa 20 eurokoa izango da. Antolatzaileek gogorarazi dutenez, bihar —osteguna, hilak 15— izango da transferentzia bidez ordaintzeko azkeneko eguna.
Honako kontu korrontean sartu beharko da dirua: ES87 3035 0126 60 1260061223.
Ostiralean, ardura banaketa
Ostiral arratsalderako bilera deitu du Gazte Eguna antolatzen duen taldeak. Elizalde Herri Eskolako pilotalekuan geratu dira, 18:00etan. Bertan, abuztuaren 5eko ardurak banatuko dituzte.
Bestalde, eskudirutan ordaintzeko aukera bakarra izango da hori. Diru-kopurua zehatz eraman behar dela ohartarazi dute.
