Arkume Egunerako sarrerak salgai jarri dituzte
Hilaren 20ra arte eman ahal izango da izena, herriko hainbat txokotan. Orain dela hamasei urte hasi ziren ekitaldia antolatzen.
Iaz 700 lagun inguruk hartu zuten parte bazkarian. Xanistebanak prestatzen ari dira buru-belarri herriko hainbat kolektibo eta eragile. Horietako bat da Arkume Eguna antolatzen duen talderena.
Jakinarazi dutenez, abuztuaren 6ko ekitaldi jendetsuan parte hartzeko epea irekita dago. Hilaren 20a izango da izena emateko azkeneko eguna. Bazkariaren eta kamisetaren truke 35 euro ordaindu beharko dira.
Iaz 700 lagunek hartu zuten parte bazkari eta ondorengo festa giroan. Aurtengora joan nahi dutenek hona jo beharko dute:
- Arragua: Aldeguna elkartea.
- Elizalde: Txokolategia, Amazkar, Miren eta Tolaita.
- Ergoien: Auzokalte elkartea.
- Gurutze: Bizardia elkartea.
- Karrika: Artaso elkartea.
- Ugaldetxo: Intxixu tabernan.
