Zinegoak jaialdiko filmak emango dituzte hilaren 22an
Bilbon emango diren film onenak Oiartzunen ikusi ahal izango dira aurretik. Doan izango da, baina gonbidapenak lehenago lortu beharko dira.
Maider Oleagaren 'Irrits' filmeko fotograma bat. Hilaren 26tik uztailaren 1era arte, Zinegoak Bilboko LGTBIQ+ zinema jaialdia egingo dute. Bertan emango dituzten film batzuk ikusteko aukera izango da Oiartzunen, lehenago.
Datorren ostegunerako, hilak 22, programatu dute film emanaldia. 18:30ean hasiko da, eta sarrerak udalaren sarreren webgunean eskura daitezke; doan izango da. Jaialdiko film labur “onenak” emango dituzte.
Udalak antolatzen duen Ostegun feministak zikloaren barruan emango dituzte filmak. Film guztiak jatorrizko hizkuntzan emango dira, euskarazko azpitituluekin.
Egitaraua
- Perpetua felicidad (Espainia, 2022). Zuzendariak: Isa Luengo, Sofia Esteve Santoja.
- Ezohikoak (Euskal Herria, 2022). Zuzendaria: Alejandra Bueno.
- Son (Espainia, 2022). Zuzendaria: Marta Nieto.
- Dating Internet Strangers (Brasil, 2022). Zuzendaria: Eduardo Wahrhaftig.
- Arnasa (Euskal Herria, 2022). Zuzendaria: Raul Barreras.
- Irrits (Euskal Herria, 2022). Zuzendaria: Marta Oleaga.
