Herriko haur eta gaztetxoen poesia errezitaldia, etzi
Haurren Irakurle Taldeko kideak eta herriko hainbat poeta izango dira errezitatzaileak, baina nahi duenak ere parte hartzeko aukera izango duela aurreratu du udalak.
Herriko haur eta gaztetxoek poesia errezitaldia eskainiko dute etzi (asteazkena, hilak 21) Iturriotzeko dorretxean, udalaren eta 1545 argitaletxearen egitasmoz. Haurren Irakurle Taldeko kideak eta herriko hainbat poeta izango dira errezitatzaileak, baina nahi duenak ere parte hartzeko aukera izango duela aurreratu du udalak. Pello Añorgak gidatuko du saioa eta Edurne Saizarrek musikatuko du. 19.00etan hasiko dute saioa.
Errezitaldiaz harago, iaz Oiartzungo Irakurle Taldekoek egindako poemekin liburu bat osatu du argitaletxeak, hori ere aurkeztuko dute asteazkenean. Herriko gaztetxoek poema horiek ilustratu dituzte, Idoia Beratarbide artistaren Ehuntze Espazioan.
