Ostiralean hasiko dira 2023ko sanjoanak
Txupinazoko suziria Aitana Lizarazu eta Oihan Arbonak botako dute aurten. Ostiral iluntzen piztuko dituzte suak pasaitarrek.
Iaz Izaro Duran eta Danel Castillok bota zuten jaiak inauguratzeko suziria. Aurten Aitana Lizarazu eta Oihan Arbonak egingo dute hori. 
Udari harrera sugar artean egingo diote aurten ere Pasaian. San Joan bezperan sua barruti batean eta bestean piztuko badute ere, udako solstizioko ospakizun handia Donibanen izango da, sanjoanekin. Ostiralean hasiko da sanjuandarren festa, eta igandera arte izango dira jarduerak barrutian.
Pasaiako Udaltzaingoak ohartarazi du, San Joan jaietarako antolatutako ekitaldiak direla-eta, Donibane kalea itxita izango dela egun eta ordu hauetan:
- Ostiralean, 18:00etatik aurrera, kalea moztuta eta plaza kotxerik gabe.
- Larunbatean, goizeko 10:00etatik aurrera, kalea moztuta eta plaza kotxerik gabe.
- Igandean, kalea itxita goizeko 10:00etatik aurrera eta plaza kotxerik gabe 10:00etik 20:00ak arte.
Trafiko oharrak eginda, jarraian, 2023ko sanjoanetako egitaraua:
- Hilak 23, ostirala
- 18:00. Buruhandiak, Meipitik.
- 19:30. Txupinazoa eta ikurrinaren igoera. Aitana Lizarazu eta Oihan Arbonaren eskutik. Agurra, Lintxua dantza taldearen eskutik.
- 20:45. Konstantzia bandarekin, plazatik elizara.
- 20:50. Musika, plazan.
- 21:00. Salbea.
- 22:00. San Joan sua.
- 22:30. Musika plazan.
- Hilak 24, larunbata
- 10:00. Diana.
- 11:00. Haur eta gazteen danborrada.
- 11:30. San Joan eguneko meza, eta ondoren, hamaiketakoa.
- 12:30. Apar festa.
- 17:30. Plazan jolasak, buruhandiak eta txokolatada.
- 19:30. Muxikoak.
- Hilak 25, igandea
- 10:30. Haur eta gazteen lasterketa, plazan.
