Xanistebanak girotzeko musika-zerrenda osatuko dute haur eta gazteek
Euskarazko abestiak lehenetsiko dituzte, 10 abestiko zerrenda osatuko beharko da. Uztailaren 3ra bitarte bidali daitezke proposamenak.
Oiartzungo Udala eta Ttiriki-ttauki (Elizalde Institutua) eta Eskuttun (Haurtzaro Ikastola) euskara batzordeak xanistebanei begira jarri dira dagoeneko, eta azken urteetan bezalaxe, kanta-zerrenda bat osatu nahi dute herriko haur eta gazteekin. Proposatutako abestiekin udalak playlist bat osatuko du, 10 kantakoa.
Euskarazko abestiak lehenetsiko dituzte, aipatutako 10 kantako zerrenda horretatik 8 euskarazkoak beharko dute izan. Zerrenda hori Spotify plataforman zintzilikatuko dute.
Uztailaren 3ra bitarte jasoko dituzte proposamenak. Parte hartuko dutenen artean bozgorailuak eta xanistebanetako barraketarako fitxak lortuko dituzte sari gisa.
10-25 urte bitartekoek izango dute proposamenak egiteko aukera. Lotura honetan egin daitezke.
