Uztailaren 2an Jaizkibel hiribidea ikurrinez bete nahi du Gure Eskuk
Egun horretan, Frantziako Tourra Hondarribitik helduko da herrira, eta mugimendu herritarrak egitaraua antolatu du, 'Euskal Herritik Mundura. Ikurrina errepidera' lemapean.
Ikurrina Gizonen errepideko txirrindularitzako lasterketa ospetsuena, Frantziako Tourra, uztailaren 2 eta 3an igaroko da Oarsoaldetik. Horietako lehenean, bada, Jaizkibel igoko du tropelak (Hondarribitik), eta Lezora jaitsiko dira. Hitzordu handian zehar, bada, Lezoko Gure Eskuk herritarrei dei egin die Jaizkibel hiribidea ikurrinez bete dezaten.
Goiz goizetik egitaraua osatu du Gure Eskuk Lezon, 15:00ak aldera txirrindulariak heltzen direnerako giroa sortzeko. Hona hemen proposatu dituzten ekintzak:
- 11:45ean: Ikurrin margoketa umeentzat (Karlos Saldise plazan).
- 12:00etan: Gure Esku denda (Karlos Saldise plazan).
- 13:30ean: Bazkari autogestionatua (Karlos Saldise plazan): musika eta sagardoak lagundutakoa izango da, eta edalontzia norberak eraman beharko du.
- 15:00etan: Ikurrin marea musikaz alaituta (Jaizkibel hiribidean.
Mugimendu herritarrak hainbat ekimen antolatu ditu, Euskal Herritik Mundura. Ikurrina errepidera lemapean, uztailaren 1a eta 3a artean.
