Frantziako Tourrak trafikoan eragina izango du
Frantziako Tourra bi egunetan igarokoa da Errenteria-Oreretatik, igandean (uztailak 2) eta astelehenean (uztailak 3), eta horrek eragina izango du trafikoan zein mugikortasunean.
Frantziako Tourra (Argazkia: tropela.net) Frantziako Tourra bi egunetan igarokoa da Errenteria-Oreretatik, igandean (uztailak 2) eta astelehenean (uztailak 3), eta horrek eragina izango du trafikoan zein mugikortasunean. Igandean, Kaputxinogainako tunelean egingo dute mozketa 14:00etatik aurrera; astelehenean berriz, 12:40an aurreikusi dute mozketa.
Ibilbidea honakoa izango du: Lezoko biribilgunea, Olibet biribilgunea, Galizia biribilgunea, Santa Klara biribilgunea, Gabierrota biribilgunea, eta Lartzabal biribilgunea. Iztieta, Olibet, Gabierrota, Lartzabal eta Arragua auzoak, horrenbestez, isolatuta geldituko dira eta horietako sartu irteeratan honakoak izan beharko dituzte kontuan herritarrak: iztieta auzoaren kasuan, auzorako sarrera Pasaia kaletik desbideratuko da. Olibeten, berriz, sarrera irteera bakarra mozketa bitartean, Papresak duen barruko bidetik egingo dute, Gi-636ra ateratzen dena Donostiarantz. Gabierrotan, sarrera irteera bakarra Fanderia pasealekutik izango da (espaloi gainetik) emergentzietako ibilgailuentzat soilik. Lartzabal eta Arraguan azkenik, irteera Oiartzunerantz izango da.
Nafarroa etorbidean Galiziako eta Lartzabalgo biribilguneen artean debekatua egongo da aparkatzea uztailaren 2ko 22:00etatik uztailaren 3an lasterketa pasa eta berriro zabaldu arte. Hori dela eta, uztailaren 2ko 20:00etatik uztailaren 3ko 08:00ak arte ondoko aparkalekuak prestatuko dituzte: Mendi lore gunean, Lousada kaleko zezen plaza zaharra; Iztieta pasealekua; Pio Baroja eskolako kirol pista, Urdaburu kalean; Touring etorbideko teniseko pistak.
Herritarrek ibilgailu partikularrak ez erabiltzeko eta garraio publikoan egiteko joan etorriak eskatu du udalak, batez ere trena (Renfe eta Euskotren).
Hiri barruko eta hiriarteko autobusen aldaketei buruzko informazioaren berri aurrerago emango du udalak.
