Hibaikakoak hirugarren Mutrikun
Larunbatean hasi du denboraldia KAE2 Ligak. Lehen hitzordua Mutrikun izan dute, eta aurreikuspenak beteta itzuli da etxera Hibaikako gizonen ontzia.
Hibaikako arraunlariak Mutrikun. Argazkia: Dani Novas Larunbatean hasi du denboraldia KAE2 Ligak. Lehen hitzordua Mutrikun izan dute, eta aurreikuspenak beteta itzuli da etxera Hibaikako gizonen ontzia. Hirugarren sailkatu dira lehen estropada horretan, Orio eta Astilleroren atzetik. Lehenengo hitzorduaren balorazio “positiboa” egin du Josetxo Arrizabalaga entrenatzaileak: “Hortxe gabiltza. Liga hasi aurretik egin izan ditugun estropadetan eta neguko jaitsieretan ikusi dugu Orioren B ontzia beste maila batean dabilela, eta horien kontra, momentu honetan behintzat, oso zaila dugu, ez guk bakarrik, liga honetan ari garen gainontzeko ontzi guztiak baizik. Orioko bigarren ontzi horretakoak lehenengo ontzikoekin batera aritu dira entrenamenduetan, beste maila batean daude”.
Astillero, Donostiarra, Portugalete, eta Mutriku Hibaikaren oso antzeko dabiltzala nabarmendu du Arrizabalagak, “neguan egindako estropadetan ikusi dugu alde gutxirekin ari garela, batzuetan gu aurretik besteetan besteak, baina beti diferentzia gutxirekin. Ez da Orioren kasuan, goiko ligako traineruekin ere parekatuta dabil, KAE1 lehen bost postuetan daudenak kenduta. Beste guztiak multzo batean gaude, eta hori larunbateko estropadan ikusi da, diferentzia gutxi dago eta hamar segundoan denak ginen”.
Kalea gora behera, leiha horretan ibiliko direla denboraldi osoan aurreikusi du errenteriako eskifaiaren entrenatzaileak. helburua argia du arrizabalagk eta entrenatzen duen tripulazioak: “KAE2 Ligako goiko postuetan aritzea, talde horren buru izatea. Aurreko denboraldian ez genuen lortu, Astillero gu baino zeozer gehiago zian zelako. Behintzat, Portugalete, Mutriku eta Donostia atzean utzi genituen, eta puntutxo batzuk atera ditugu. Orain, berriro, datorren asteko Pasai Donisbaneko estropadan, antzeko papera egin eta bigarren edo hirugarren sailkatzen garen. Hori gure asmoa”.
Larunbatean (uztailak 1) izango da hurrengo estropada, Pasai Donibanen, 17:30ean hasita.
Joan den larunbateko estropadako emaitzak kontsultatzeko egin klik hemen.
