Festak eztanda egingo du gaur San Pedron
Gaur botako dute San Pedroko jaien hasierako suziria, Tirri-Tarra fanfarreari dagokio aurten. Igandera bitarte, denetik izango da barrutian.
![](https://oarsoaldea.hitza.eus/site/files/2023/06/52181483399_429dbbb5c9_o.jpg)
Larunbatetik zerrekin gozatu izan bada ere, gaur hasiko dira ofizialki San Pedroko jaiak. Gaur inauguratuko dituzte jai moreak, arrantzalez jantzitako herritarrek ongi etorria emango diete jaiei, suziria botako dute 20:00etan. Tirri Tarra fanfarreko kideei dagokie suziri hori botatzea, haien 50. urteurrena ospatzen ari baitira. Txupinazoaz gain, LGTBI banderaren igoera ere egingo dute.
Ondorengoa da datozen egunetarako antolatu duten egitaraua, osorik:
- Hilak 28, asteazkena (Denak arrantzalez jantzita)
- 17:00. Haurren merienda portuko etxeetan.
- 17:30. Erraldoiak eta buruhandiak frontoian.
- 18:30. Haur danborrada portuko etxeetatik.
- 20:00. Txupinazoa Tirri-Tarraren eskutik eta LGTBI ikurrinaren igoera.
- 21:30. Helduen danborrada Pabloeneatik.
- 00:00. Jabi DJa oholtzan.
- 00:00. La Su ikuskizuna.
- Hilak 29, osteguna
- 10:00. Txistularien diana.
- 12:00. Inudeak eta Artzainak (haurrak).
- 12:00. Licinio Refice meza.
- 17:00. Jolasak Sanpedrotarra arraun elkartean.
- 18:00. Traineruen aurkezpena arraun elkartean.
- 18:30. Pancho Balbuena mariatxia.
- 20:00. Kontzertua Begihaundin: Behi bi Blues.
- 23:00. Kontzertua herriko taldeen eskutik: Kangrena eta Sindrome Norte. Ondoren, Dj Hodax eta Garimbo.
- Hilak 30, ostirala
- 11:00. Tratu onaren lasterketa.
- 12:00. Bustiña ta Eskama partida frontoian. Txikientzat malabar tailerra Xomorro taldearekin.
- 16:00. Piratakada (11 urtetik gora).
- 17:30. Erraldoiak eta buruhandiak frontoian.
- 18:30-20:30. Gauerdi txaranga.
- 19:30. Goazen Nait plazan.
- 19:30. Toka eta bote txapelketa jubilatuen eskutik. 19:00etan izen-ematea Arraunlari kalean.
- 23:30. Kontzertua oholtzan: Alarma morea. Ondoren, Iratzar erromeria.
- Uztailak 1, larunbata
- 10:00. Txaranga porrusalda. Herriari deialdia txuri-gorriz janzteko.
- 12:00. Nesken pala goma txapelketa frontoian.
- 13:00. Karate erakustaldia Lonjako plaza berrian.
- 16:00. Denontzat jokoak frontoian.
- 21:00. Afari herrikoia, Arraunlari kalean (txartela aurrez erosi behar da). Postrean, Andoni Ollokiegi.
- 23:30-02:30. Joxemariren biloba DJa Begihaundin.
- 23:30. Kontzertua oholtzan: Charly Flow Free eta Revolutionary Brothers.
- Uztailak 2, igandea
- 12:00. Inudeak eta artzainak (helduak). Ondoren, Vermutekea Boteron.
- 18:00. Pilota finala frontoian. Ondoren, Modestorekin dantzaldia frontoian. Afari herrikoia frontoian (bakoitzak berea). Zezentxoak.
- 23:30. Zezensuzkoa.