'My Way Out' filma ikusgai, Harrotasunaren Egunean
Gaur LGTBIQ+ Harrotasunaren Eguna da, eta horren harira, Izaskun Arandiaren film emango dute. Londreseko transentzako kluba da ardatza.
'My Way Out' filmaren fotograma bat. Gaur LGTBIQ+ Harrotasunaren Eguna da, eta horregatik, film baten emanaldia programatu dute gaur arratserako. My Way Out dokumentala ikusteko aukera izango da, Landetxen. Emanaldia 19:30ean hasiko da.
Izaskun Arandia tolosarrak zuzendu du 70 minutuko dokumentala. Laster hiru hamarkada beteko ditu Londreseko East Endeko The Wayout transentzako klubak. Lokal hori da ikus-entzunezkoaren ardatza, baita Vicky Lee klubaren sortzailea ere. Beste hainbat pertsonek ere bere lekukotza ematen dute.
Trans komunitatean izan duen eragina aztertzen du klub horrek, haientzako toki seguru eta bakar gisa. Donostiako Zinemaldian proiektatu zuten iaz, eta zinema-aretoetan aurtengo martxoan estreinatu dute.
Filmaren emanaldia Oiartzungo Udalak antolatu du, eta sarrerak salmentarako sortutako webgunean daude eskuragarri, 3 euroren truke.
Filmaren audioa ingelesez dago, baina azpitituluekin emango dute, euskarazkoak izango direnak.
