Tren Berdea asteazkenero aterako da uztaila eta abuztuan
Done Eztebe plazatik abiatuko da bi bider asteazkenero, eta Arditurriko meatzeetara sartzeko prezio berezia eskainiko dute egun horietan.
Arditurri eta plaza lotuko ditu Tren Berdeak, asteazkenero [Arg.: Mendi Urruzuno]. Arditurriko parketxeak jakinarazi duenez, Tren Berdeak Done Eztebe plaza eta meatze-gune zaharra batuko ditu asteazkenero. Uztailean eta abuztuan, astegun horretan, bi irteera izango dira.
Ibilgailuan bidaiatzeak eta meatzeak ezagutzeak osatuko duten pack-ak “prezio berezia” izango duela jakinarazi dute. “Edozein adinetarako” plan egokia dela iradoki dute. “Haur, gazte eta helduek Arditurriko naturaz, landa paisaiaz eta meategiaz gozatzeko modu ezin hobea”.
Trenak 45 minutuko bidaia egingo du, paraje naturalean zehar. Azken zatian meategia eta Pasaiako Portua lotzen zituen trenbide zaharretik egiten du. Behin iritsita, meazuloan bisita gidatua eskaintzen dute.
Ordutegiak
- Irteerak Oiartzungo Done Eztebe plazatik 10: 00etan eta 11: 15ean.
Trena + Arditurri prezioa
- 12-64 urte: 10,30 euro.
- 5-12 urteko haurrak, 65 urtetik gorakoak eta 10 pertsonatik gorako taldeak: 8,24 euro.
- 5 urtetik beherako haurrak: 3,10 euro.
Informazio gehiago eta erreserbak
- Oiartzungo Turismo Bulegoa:
Helbidea: Aialde kalea, 4. 943 508 913.
E-posta kontaktua.
Arditurriren webgunea.
