[Bideoa eta argazkiak] Errioari musika dario
Errioan kontzertua eman dute lapatxa ontziaren barruan Lekuona Fabrikaren parean Harien Zurdak taldeak eta Arkaitz Miner musikariaren taldeak.
Patatxa ontzia musikariak barruan Urmuga Festibalak eta Kilometroak ikastolen festak antolatutako jaialdiaren barruan. Egun osoko jaia berezia antolatu dute elkarlanean Urmugan Festibalak eta Kilometroak ikastolen Festak. Mendi irteera musikatua egin dute goizetik, eta arratsaldean lapatxa abiatu da San Pedroko Albaola Itsas Kultur Faktoriatik Albaolako eta Hibaikako Arraun Elkarteko kideek eramanda. Oiartzun ibaian gora egin eta Lekuona Fabrikaren parean errio gaineko kontzertua eskaini dute ontzi barruan Harien Zurdak taldeak eta Arkaitz Miner musikariaren taldeak.
Ederra izan da utzi duten paisaia. Ontzia, arraunak, Oiartzun ibaia eta musika uztartuta.
Hitzordu handia 19:00etan hasiko da Añabitarten. Alaitz eta Maider, Alex Sardui, Olaia Inziarte, Arkaitz Miner, Aire Ahizpak, Jokin Pinatxo, Xutik taldea eta Et Incarnatus Orkestra arituko dira oholtza gainean. Behean jardueraren jarraipena, Twitter bidez:
