Poesia Egunean irakurle aritu nahi duenak izena eman dezake
Oiartzungo Arte Egunetako poesia ekitaldian parte hartzeko epea abuztuaren 1ean itxiko dute. Poesia Eguna irailaren 9an egingo dute.
Irakurle izateko prest dagoen lagunen bila ari dira.
Oiartzungo Arte Egunek data dute: irailaren 8an, 9an eta 10ean egingo dituzte. Hainbat ekitaldi izango dira egitarauaren barruan; horien artean, Poesia Eguna.
Hirugarren ekitaldia izango du aurtengoa. Irailaren 9an izango da Poesia Eguna; 11:00etan hasiko da. Antolatzaileek jakinarazi dutenez, iazko egitura izango du: poeta “profesionalak” (Oiartzungoak eta kanpokoak) eta herritar irakurleek partekatuko dituzten hiru gune ibiltari izango ditu bidegorrian.
Poema bat irakurtzera animatuko diren herritarren bila ari dira. Irakurle izan nahi dutenek abuztuaren 1era arte daukate izena emateko epea. Plazera izango da aurtengo ekitaldian irakurriko dituzten poemen gaia.
Izena emateko zein informazio gehiago lortzeko, e-posta bidez jarri beharko da harremanetan.
