'Oiartzun' urtekaria salgai dago jada
Bost auzotako 11 txokotan dago salgai aldizkariaren 53. zenbakia. Hilario Arbelaitzi elkarrizketa egin diote, beste hainbat gai jorratzeaz gain.
Xanistebanak hurbil daudela iragartzen duen seinaleetako bat da Oiartzun urtekaria. Udalak jakinarazi duenez, dagoeneko salgai dago 53. zenbakia; 1956an sortu zuten aldizkaria.
Urtean zehar aipamena merezi duten ekitaldiak edo oiartzuarrak jasotzen dituzte. Horreal, Hilario Arbelaitz sukaldari izandakoari elkarrizketa nagusia egin diote. 52 urtez aritu da lanean Zuberoa jatetxean, eta urte honen hasieran hartu du erretiroa.
Gainontzeko atalei dagokienez, Historiakoan, Sein Etxeberria eta Oiartzungo maiorazkoak izan dituzte hizpide. Oiartzungo seme-alabak atalean, berriz, auzo gehienetako ordezkarien elkarrizketak jaso dituzte 53. zenbaiko orrialdeetan.
Hainbat oiartzuarrek parte hartu dute urtekaria osatzeko lanetan. Udalak egindako lana eskertu die Urtekari Batzordeko kideei, idazleei, elkarrizketatuei eta gainontzeko parte-hartzaileei, Oiartzungo ondarea eta Historia jasotzen egindako ekarpenagatik.
Salmenta puntuak
2023ko Oiartzun urtekaria herriko bost auzotan eskura daiteke, 11 saltokitan. Lau euroko prezioa izango du. Hemen eros daiteke:
- Altzibar: Berezi janari-denda.
- Arragia: Pikoketa estankoa.
- Elizalde: Garmendi txokolategia, Garmendia okindegia, Urrats paperdenda eta zapirain estankoa.
- Iturriotz: Ibarreko gasolindegia eta Martin harategia.
- Ugaldetxo: Intxixu jatetxea eta Mamuteko liburudenda.
