Bekoerrota kiroldegia itxita, abuztuaren 21era arte
Bien bitartean, Pasai Donibaneko eta Donostiako Loiola eta Egia auzoetako kiroldegiak erabil ditzakete lezoarrek.
Atzo itxi zituen ateak Bekoerrota kiroldegiak eta hala egongo da hilaren 21era arte. Urtero gisan, mantentze lanak egingo dituzte epe horretan.
Era berean, kiroldegia itxita dagoen bitartean, bizikleten mailegu zerbitzua ere etenda egongo da. Dena den, Pasaiako bizikleten mailegu zerbitzua erabiltzen jarraitzeko aukera dago, bi herrien arteko lankidetzagatik. Bestalde, Altzateko igerilekuak zabalik dira.
Alternatiba gisa, Pasai Donibaneko kiroldegia erabili daitekeela gogoratu du udalak. Baita Donostiako Loiolako Erriberako kirol instalazioak ere, abuztuaren 7tik 11ra eta Egiako Zuhaizti kirol instalazioa ere abuztuaren 7tik 15era.
