Etorri berri diren herritarrak euskarara hurbiltzeko kanpaina, abian
Oarsoaldeko lau udalek bat egin dute herritar etorkinek euskarara hurbildu eta herrietako bizitzetan murgiltzeko aukera izan dezaten. Kanpaina hilaren 30era arte luzatuko dute.
Oarsoaldeko lau udalek, Oarsoarrak bidez, herritar etorri berriak euskarara gerturatzeko sentiberatze kanpaina abiatu dute Gerturatu Euskarara, Ongi etorri Euskarara! lemapean. Kanpaina hau Oarsoaldeko Euskara Batordeak zuzenduko du, eta haren helburua herritar berriek, norberaren egoera eta baldintzak aintzatestuta, euskararanzko urratsak ematea izango da. Horrela, aukera berriak ireki eta norbera bere herriko egunerokoan are eta errazago murgiltzea izango dute xede. Ondorioz, Oarsoarrakek euskara “promozio sozialerako elementu” gisa sustatu nahi du euskara. Gainera, aurreratu dute kanpainaren baitan norberak erabakiko duela noraino hurbildu nahi duen euskarara: agurrak eta hitz solteak ikastetik seme alabak euskaraz eskolaratzeraino, herritarren esku egongo da erabakia.
Kanpainaren euskarri nagusian, bideoan, etorri berri diren hainbat herritarrek haien lekukotzak azaltzen dituzte. Hortaz gain, euskara, gaztelera, frantses, eta ingelerazko euskarri koloretsua jarri dute eskura. Biak ala biak, esteka honetan jarri dituzte eskura. Bada, gaurtik irailaren 30era bide desberdinetatik jasoko dute etorkinek kanpainan parte hartzeko gonbita; bus geltokietako markesina, sare sozial eta bestelakoetatik.
