Kilometroak 23k badu bideoklipa
Janus Lester taldeko Jokin Pinatxok, Kukai dantzak, eta Orereta Ikastolaren komunitateak parte hartu dute 'Erriola' kantaren bideokliparen grabaketan.
Kilometroak 23ren bideoklipa aurkeztu dute. Kilometroak 23k badu bideoklipa. Gaur goizean zabaldu du Erriola kantaren bideoklipa. Janus Lester taldeko Jokin Pinatxok, Kukai Dantzak eta Orereta Ikastolaren komunitateak hartu dute parte bideoklip horretan. Arena Comunicacion ekoiztetxeak gvrabatu du bideoklipa eta bertan Pinatxorekin batera, Orereta Ikastolako ikasle, langile, guraso eta aiton-amonak ageri dira Kukai Dantzako Vanesa Castañok sortutako koreografia dantzatzen. Kukai Dantzak ere hartu du parte bideokliperako propio sortutako dantza moldaketarekin.
Kilometroak 23ko arduradunek azaldu dutenaren arabera komunitatea, euskara eta errelatoaren bidezko aitortza oinarri dira bideoklipean ere, “Kilometroak 23ren hiru ardatzak dira horiek”, eta horren harira, udalerriko txokoen eta euskarari lotutako iniziatiba ugariren irudiak jaso dituzte bideoklipean, “iraganeko eta gaur egungo pasarteak tartekatuz. Herriko eta Orereta Ikastolaren irudi historikoak Miguel Angel Quintana, Mikel Mendizabal, Karlos Astrain eta Iñaki Nogueiraren laguntza estimagarriari esker eskuratu eta erabili ahal izan dira, eta Papresa enpresaren babesletzari esker osatu ahal izan da bideoklipa”.
Erriola kanta Jon Maia Soria bertsolariak eta Janus Lester taldeak sortu dute
Kilometroak 23 urte osoko iniziatiba azken txanpan sartu da, eta urteko hitzordurik berezienerako atzerako kontaketa hasi da. Urriaren 1ean izango da hori, Errenteria-Oreretan egingo duten Kilometroak eguneko jaia.
Bideoklipa Kilometroak 23ren Youtube kanalean ikus daiteke. Horretarako egin klik hemen.
