[Bideoa] Goi mailako mahai tenisa Galtzarabordan
Mahai Teniseko Taldekako Euskadiko Kopa lehiatzen ari dira Galtzarabordako kiroldegian. Beraun Errenteria Irureta Iturgintza klubak antolatu du egun osoko topaketa. 20:00ak arte gozatu ahal izango da mahai tenisaz.
Goi mailako mahai tenisak Errenteria-Orereta hartu du, Mahai Teniseko Taldekako Euskadiko Kopa lehiatzen ari baita Galtzarabordako kiroldegian. Egun osoko egitaraua ondu du topaketaren antolatzaile den Beraun Errenteria Irureta Iturgintza klubak, Errenteriako Udaleko Kirol sailaren laguntzarekin. Txapelketa 09:00etan hasi da, eta 20:00ak arte egongo da mahai tenisaz gozatzeko aukera.
Hainbat dira Galtzarabordan lehiatzen ari diren kirolariak. Antolatzaileek bost tenis mahai jarri dituzte kiroldegiko kantxan, eta bertan ari dira jokatzen partidak. Kirolariek erakutsi dute maila altua dutela (ikus bideoa).
Mahai tenis topaketa Beraun Errenteria Irureta Iturgintza klubak antolatu du. 2012an hasi zuten beren bidea, eta gaur egun 40 bazkide dituzte, 8 eta 75 urte artekoak. Cristobal Gamon ikastetxeko gimnasioan entrenatzen dute.
Euskadiko Koparen atarian eginiko adierazpenetan, Errenteriako Udalak herritar guztiak animatu nahi ditu Galtzarabordara bertaratzera eta mahai tenisarekin gozatzera: “Txapelketarekin Oarsoaldean kirol hori bistaratzea eta bertako harrobia sustatzea da helburua”.
