Ostiralean Santiago plazan zirkulazioa etengo dute
Plazan egingo duten Euskal Herriko eta Piemonteko dantza tradizionalen emanaldiagatik, zirkulazioa etengo dute arratsaldean.
![](https://oarsoaldea.hitza.eus/site/files/2020/04/whatsapp-image-2020-04-07-at-13-01-591-2.jpeg)
Datorren ostiralean, hilaren 8an Donibanen egingo den Euskal Herriko eta Piemonteko dantza tradizionalen emanaldiaren ondorioz, Santiago Plaza zirkulaziorako itxita egongo dela adierazi du Pasaiako Udaltzaingoak. 18:30etik 20:30era plazan ezingo da ibilgailurik egon, eta zirkulazioa ere moztuta izango da.
Hala ere, eguraldiaren arabera, ikuskizunaren tokia aldatu daiteke: euria egingo balu Donibaneko frontoian egingo baitute.