Ikasle Ohien bazkaria antolatu du Orereta Ikastolak
Añabitarten egingo dute bazkaria hilaren 23an ikasle ohiek. Txartelak salgai daude 30 euroan.
Ikastolaren 60 urteak eta Kilometroak jaia aitzaki hartuta ikasle ohien bazkaria antolatu du Orereta Ikastolak. Hilaren 23an izango da Añabitarten, eta salgai jarri ditu txartelak jada 30 euroan. Erriola dendan eros daitezke (Herriko plaza 11) Bizum bidez eta transferentzia eginda.
Txartelak eskuratzeko azken eguna hilaren 18a da. Garraio zerbitzua izango da Tulle kaletik abiatuta Añabitartera 11:00etatik 14:00etara eta handik itzultzeko 19:00etatik 21:00etara ordu erdiro.
Menua ere zabaldu du Orereta Ikastolak: entsaladila errusiarra, iberikoak, hegaluzea eta saiheskia parrillan. Postretarako, berriz, Ezeiza pasteltxoak. Alergiarik izanez gero, menu berezi bat behar izanez gero, edota barazkijalea nahi izanez gero posta elektronikora mezua bidali behar da hilaren 15a baino lehen. Horretarako klik egin hemen.
Bazkariaren ostean, dantzaldia izango dute Iker Rodrigez DJarekin.
