[Bideoa eta argazkiak] Sortzaileen berotasunean
Oiartzungo Arte Egunen barruan, Hiru Binakaren barruko ikuskizunak egin zituzten atzo. Gaurkoa Poesiaren Eguna da.
Arte Egunen bigarren asteburua da honakoa. Atzo, ostirala, arratsalde epelean, Hiru Binaka bikotekako emanaldiak egin zituzten Xabi Lopez eta Teresa Jareñok Ibargainen, Maite Gonzalez eta Josu Ibargurenek Arizmendienean, nahiz Naroa Zabaleta eta Dani Picazok Hipatiaren Lorategian. Arteak gozatzeko, pentsatzeko, ondorioztatzeko, eta berriz ere pentsatzeko aukera ematen du. Atzoko binakako emanaldi horietan goxo egin zuten hori guztia hiru guneetara hurbildu zirenek.
Gaur, Poesiaren Eguna dute sortzaileen topaguneko bigarren asteburuan. Bihar, goizeko azoka elizaren itzalaren inguruan. Beheko koadroan egitarau zehatza.
Ondokoak, atzoko hainbat irudi dira, Aitziber Arnaiz Garmendiak HITZAra bidalitakoak.
Arte Egunak, larunbateko eta igandeko egitaraua
Gaur, larunbata
- Poesia Eguna. Gaia: Plazera. 11:00etan hasita. Altzibarreko bidegorriko soroan. B plana, Iturriozko frontoia. Sarrera librea.
- Sortzaile eta artezaleen bazkaria. 14:00etan, Bazkun Zahar elkartean.
- Ana Galarraga eta Petti (18:00): Frankenstein agurgarria. Arizmendienean; B plana, udaletxeko pleno aretoan. Sarrera librea.
Bihar, igandea
- Sortzaile eta artisauen azoka. Eliza inguruan; B plana, Kontzejupean, 10:00etatik 14:30era. 30 sortzaileren postuak izango dira.
