Lander Garroren 'Faith', irakurketa klubaren lehena
Urriaren 9an abiatuko du ikasturtea Antxoko euskarazko irakurketa klubak, eta idazle oreretarra gonbidatuko dute azken lanaz jardutera.
Antxoko liburutegian elkartuko da irakurketa taldea, 19:45ean. 
Euskarazko irakurketa klubaren ikasturte hasierak badu data: urriaren 9an Antxoko liburutegian elkartuko dira irakurzaleak. 2023-2024 ikasturteko lehen saioan Lander Garro idazlearen Faith liburua landuko du taldeak, idazlea bertan dela.
Hainbat estilo jorratzen dituzten liburuak landuko ditu irakurketa klubak urtean zehar, batzuk euskal idazleek sorturikoak eta beste batzuk itzulpenak. Saio guztiak 19:45ean izango dira eta moderatzaile lanetan Xabier Etxaniz Rojo idazle pasaitarra arituko da.
Bertan parte hartzea doakoa da eta zabalik dago parte hartu nahi duen ororentzat. Izena emateko eta zalantzak argitzeko mezua bidal dezake edonork posta elektroniko bidez. Hemen klik eginda zabalduko da helbidea.
