Pablo Eneako Mendi Jaiak, ostiraletik igandera
San Pedroko auzoko ospakizunak ostiralean egingo du eztanda. 19:00etan izango da txupinazoa, eta orduan abiatuko da festa.
Mendi Jaien artxiboko argazkia. 
Udari bezala, herriko jaiei ere agur esan behar izaten diete pasaitarrek irailero. San Pedroko Pablo Eneako jaiak dira hilabete honetako lehenak, eta azken asteburuan etorriko dira San Pedroko eta Antxoko jai txikiak.
Mendi Jaiak ostiralean egingo du eztanda, 19:00etako txupinazoaren ondotik. Suziria bota eta berehala buruhandi eta txistulariek hartuko dute barrutiko goialdea, eta kalejira bukatuta egingo dituzte herri afaria (bakoitzak berea etxetik jaitsi edo aurrez erosi beharko du), dantza erakustaldia eta berbena. Horiek ostiralekoak.
Larunbatean, goizetik piztuko da jai giroa Pablo Enean, 10:00etako dianarekin. Asteburuko lehen egun horretarako egun osoko egitaraua ondu dute bizilagunek, udalarekin elkarlanean, eta antzera igandean ere. Egun horretan festari agur esateko txupinazoa izango da 20:00etan. Horretarako, ordea, hau guzti hau falta:
- Hilak 15, ostirala
- 19:00. Txupinazoa.
- 19:15. Buruhandiak eta txistulariak.
- 20:30. Afaria (bakoitzak berea).
- 22:00. Dantza erakustaldia.
- 23:00. Berbena.
- 19:00. Txupinazoa.
- Hilak 16, larunbata
- 10:00. Diana.
- 10:30. Jokoak.
- 12:00. Aparraren jaia.
- 16:00. Puzgarriak eta jokoak. Mus txapelketa (Parisien tabernan eman behar da izena) eta Partxis txapelketa (txosnan apuntatu).
- 20:00. Buruhandiak.
- 20:30. Bokatak txosnan.
- 22:30. Berbena.
- Hilak 17, igandea
- 10:00. Diana.
- 10:30. Haurrentzako jolasak.
- 11:00. Toka (La Cepa tabernan eman izena).
- 11:30. Tortilla txapelketa.
- 14:00. Herri bazkaria (txosnan apuntatu, larunbateko 19:00ak baino lehen).
- 16:30. Haurren emanaldia.
- 18:30. Txokolatada.
- 19:30. Buruhandiak eta txistulariak.
- 20:00. Txupinazoa (jaien bukaera).
