[Bideoa eta argazkiak] Musika eta kultura erruz, Atlantikaldiaren bigarrenean
Musika emanaldi andana gaur, Atlantikaldiaren bigarren egunean. Aywa eta Kimu Txalaparta, eta Nidia Gongora eta Olaia Inziarte ariko dira Itsasargi Nagusian.
Zilibitor Records oiartzuarrak Kalekaian. Bigarren eguna du Atlantikaldiak eta musika jaialdi eta kultur topaguneak zer gozatu izango du asteburuaren atarian. Musika erruz. 18:00etan hasi da Zilibito records talde oiartzuarraren emanaldia Kalekaian, eta ordu erdi geroago, Alide Sansena Herrixkan.
Hortik aurrera bederatiz musika emanaldi izango dituzte aukeran herritarrek, estilo askotarikoak, denen gustuak asetzeko moduan. Itsasrgi Nagusian bi fusio ederren emaitza: Aywa eta Kimu Txalapartak emanaldia egingo dute 20:00etan; Nidia Gongorak eta Olaia Inziartek hartuko diete lekukoa agertoki nagusi horretan, 23:00etan.
Horietaz gain, Ede abeslaria ariko da Herriko Plazako agertokian (21:30) eta Herrixkako taulak, berriz, Yaima Orozkoren kontzertua (20:30) eta DJ Ritaren emanaldia (22:30) hartuko ditu. Kalekaian, berriz, 20:00etan hasita Double & Hugsound, 22:00etan Rebeca Lane, eta 00:00etan Yasser.
Biharko egitaraua, zabala benetan, eta askotarikoa, hemen klik eginda kontsulta daiteke.
