Ernaik elkarretaratzea egin du Aitor eta Galderren alde
Aitor Zelaiak eta Galder Barbadok pasa den astean jaso zuten espetxeratzeko agindua, eta horren aurka elkartu ziren atzo Herriko Plazan.
Errenteria-Oreretan Zelaia eta Barbadori elkaratsuna adierazteko egindako elkarretaratzea pasa den astean. Ankerkeria Stop! plataformak deitu ditu egunotan elkarretaratzeak; tartean, atzo Oreretan egin zutena. “Oreretan ere Aitor eta Galder aske nahi ditugu”, argitaratu du Oreretako Ernaik sare sozialetan.
“2018an Ertzaintzak [Espainiako] Auzitegi Nazionalaren esku prozesu hau abiarazi zuenetik sententzia zein izango den bagenekien. Auzitegi Nazionalak euskal militanteak epaitzen dituenean aldez aurretik idatzita dagoelako epaia”, zioten.
Euren bizitzak prozesu horretan guztiz baldintzatuta izan dituztela Aitor eta Galder esanez jarraitu zuten, “espetxeratze agindua eman dutenera arte luzean esperoan” izan baitituzte. “Ankerkeria” salatzera atera ziren atzo Herriko Plazara, “berriro ere salbuespeneko epaitegiek euskal herritarrak epaitu ez ditzaten”.
Manifestazio Nazionala burutuko da Gasteizen irailaren 30ean, eta 18:30ean hasiko da Artiumetik. Azkenik, Oreretatik autobusa jarriko dutela azpimarratu zuten, “denon elkartasuna beharrezkoa baita”.
