Emakumeok Mugimenduan APPa aurkeztuko dute
Txita ibiltaria Pasaiatik abiatuko da hilaren 25ean. Hurrengo egunean Lezon izango da, eta 27an Oiartzunen.
Emakumeok Mugimenduan APPa. Emakumeok Mugimenduan APPa ezagutarazteko Txita ibiltaria Pasaiatik, Lezotik eta Oiartzundik pasako da besteak beste hilaren 25etik 27ra bitartean. 2021. urtean abiatu zen Emakumeok Mugimenduan egitasmo hau, eta horren baitan EHUko Hezkuntza eta Kirol Fakultateko ikerlariek 18 eta 64 urte bitarteko emakume gipuzkoarrekin emakumeen aisialdiko jarduera fisikoa eta kirol ohiturak neurtzeko azterketa bat egin zuten. Bertan 3 emakumetik 1 ez dela aktiboa ondorioztatu zuten.
Emaitzak ikusita Emakumeok Mugimenduan ekimena jarri zuten abian, eta oraintsu Emakumeok Mugimenduak APPa aurkeztu du Aldundiak, eguneroko jarraipena egin eta emakumeen aktibotasuna sustatzeko asmoz. IOS eta Android sistemetarako doako aplikazioa da, eta bi helburu nagusi ditu: Gipuzkoako emakumeek egunerokoan egiten duten jarduera fisikoa erregistratzea batetik, eta mugimenduarekin bat egiten duten emakumeen sarea eratzea, bestetik. Erregistroaz gain, agenda, jarduera egiteko gomendioak eta emakumezkoen gogoetak zein istorioak biltzen dituen atalak ditu erabilgarri.
Txitaren etorrera hilaren amaieran izango da, eta data horietarako herri bakoitzak jarduera ezberdinak antolatu ditu.
Pasaia
- Irailak 26: Emakume korrikalariak. 19:30ean Antxoko Ibaiondo frontoian.
- Irailak 27: Emakume korrikalariak. 18:30ean Donibaneko kirol gunean.
- Irailak 28: Emakume korrikalariak. 19:30ean San Pedroko gimnasioan.
- Irailak 29: Emakume palistak. 18:00ean Antxoko Ibaiondo frontoian.
Lezo
- Irailak 26. 10:00 Martxan (+65) jarduera, Bekoerrota kiroldegian.
- 11:30 Dinamizatutako jarduera, Lopene plazako parkean.
- 15:30 Lezo Herri Eskolako ikasleen irteera.
- 16:30 Lezo Institutuko ikasleeen irteera.
- 18:30 Emakume korrikalari indartsua jarduera, Bekoerrota kiroldegiaren atzeko aldean.
Oiartzun
- Irailak 27. Abittu Ttipi-Ttapa irteera: 9:30-11:30. Elorsoro kiroldegitik abiatuta.
- Irailak 27. Abittu Emakumea Korrika irteera: 17:30-18:30. Haurtzaro ikastolatik abiatuta.
