Arabiera eta euskara ikastaroetan izena eman daiteke jada
Urriaren 6an hasiko dira ikastaroak, eta ikasturte honetan hiru eskainiko dituzte. Guztiak doan izango dira.
Udal Euskaltegiak ikastaro berriak jarriko ditu martxan. Arabierara hurbiltzeko ikastaroetan izena emateko epea gaur zabalduko da. Eguzki elkarteak, Errenteriako udalak eta Hizkuntzen Topaguneak antolatu dituzte ikastaroak, eta hiru saio ezberdin antolatu dituzten aurten: haurrentzako arabiar saioak, helduentzako arabiar hastapen saioak eta emakumeentzako euskara saioak.
Haurrentzako arabiar saioak: Ostiraletan 17:15etik 19:15etan, eta larunbatetan 16:00etatik 18:00etara.
Helduentzako arabiar hastapen saioak: Ostiraletan izango dira saio hauek, baina oraindik ez dute ordua zehaztu.
Emakumeentzako euskara saioak: Arabiar ikastaroez gain, emakumeentzako euskara saioak ere antolatu dituzte. Ostiraletan izango dira saio hauek, 17:15etik 19:15era.
Ikastaro hauek Udal Euskaltegian izango dira, eta urriaren 6an hasiko dira.
Matrikula
Ikastaro hauetan izena emateko aukera ezberdinak daude. Aurrez aurre eman nahi izanez gero, gaur zein irailaren 29an egin daiteke arratsaldeko bostetatik zazpietara, Udal Euskaltegian. Horretaz gain, e-mail bidez ere egin daiteke izen ematea eguzkielkartea2019gmail.com edo ahmedvips76gmail.com helbideetara mezua bidaliz. Azkenik, hala nahi izanez gero, telefono hauetara deituta ere egin daiteke matrikulazioa: 664 31 83 65 / 631 46 42 18.
