Sasoiko lehen garaipena lortu du emakumeen lehen taldeak
Arratiari bere zelaian irabazi diete neskek, markagailua iraulita. Mutilek kontrako zoria izan dute, eta areto futbolean, aurrera.
Larunbat arratsaldean jokatu zuten partida, Igorreko Urbieta futbol zelaian. Oiartzun Kirol Elkarteko emakumeen lehen taldeak denboraldiko lehen garaipena lortu dute Igorren. Zelaira atera ziren joko kaskarra eginez, eta Arratiak aurrea hartzeko aprobetxatu zuen.
Akats asko egiten ari ziren oiartzuarrak, eta 37. minuturako hiru aldaketa egin zituzten, aldeko haizearen bila.
Lierni atezainaren geldiketa batek eragotzi zuen bizkaitarrek aldea handitzea, eta 1-0ekoarekin iritsi ziren aldageletara.
Bigarren zatian itxura bestelakoa izan zen, eta markagailuari buelta emateko gai izan ziren. Hala ere, akatsak zuzendu eta jokoa fintzen joan beharko dute.
Areto futbolari dagokionez, Gipuzkoako Kopan bidea egiten jarraituko du OKEko talde nagusiak. Pasa den larunbatean Lasarte-Orian jokatu zuten, Eguzkiren kontra, kopako bigarren kanporaketa.
Etxekoak aurreratu ziren, baina oiartzuarrek gogor erantzun zieten, eta aurrea hartu iritsi ziren atsedenaldira (1-2).
Bigarren zatian haize-erauntsia izan zen: oiartzuarrek bost gol sartu zituzten, jokoa kontrolpean edukita. Azken bost minutuetan lasartearrek markagailua makillatu zuten (3-7).
Orain etentxo bat egingo dute kopan, datorren asteburuan hasiko baitute liga.
Emakumeen 3. RFEF Maila
- Arratia — Oiartzun: 1-2.
Gizonezkoen Ohorezko Erregional Maila
- Ordizia — Oiartzun: 2-1.
Emakumeen Euskal Liga
- Oiartzun B — Hernani: 2-3.
Gizonen Lehen Erregionala
- Gure Txokoa — Oiartzun B: 4-2.
Emakumeen Ohorezko Erregional Maila
- Intxaurdi — Oiartzun C: 3-2.
Mutilen Gazte Mailako Euskal Liga
- Indautxu — Oiartzun: 7-0.
Mutilen Gazte Mailako Gorengo Maila
- Real Union B — Oiartzun B: 3-0.
Mutilen Gazte Mailako Lehen Maila
- Oiartzun C — Orereta Kafea: 2-1.
ARETO FUTBOLA
Gizonen Gipuzkoako Kopa
- Eguzki — Oiartzun: 3-7.
Gizonen Gipuzkoako Bigarren Maila
- Miren Taberna OKEk datorren asteburuan hasiko du liga.
