Urte politikoko lehen plenoa, asteazkenean
Hamalau puntuko udalbatzarra izango da hilaren 27koa. 2024ko zergen ordenantza aztertuko dute, besteak beste.
Legegintzaldiko lehenengo plenoko irudia, uztailean. Datorren asteazkena iraileko azkeneko asteazkena izango da, eta, ondorioz, Oiartzungo udalbatzarra elkartzeko txanda.
Urte politikoko lehenengo plenoa izango da. Hamalau puntu jorratuko dituzte. Tartean izango da datorren urteko Zergen Ordenantzaren onarpena.
Udalbatzarra 18:00etan hasiko da, udaletxeko pleno aretoan.
Gai-zerrenda
- Aurreko batzarrari dagokion aktaren onarpena.
- 2024 urterako Zerga Ordenantzen aldaketaren hasierako onarpena.
- 2022-2024 Dirulaguntzen Plan Estrategikoaren 3. aldaketa onartzea.
- 2023ko 7. kreditu-aldaketaren (gehigarria) behin behineko onarpena.
- Kobraezinak diren zorrei, preskribatuei edo deribazioei baja ematea.
- Beste ekitaldietako ordainagiriak baliogabetzea, zuzentzea edo berrikustea.
- Oarsoaldea S.A. eta Oiartzungo Udalaren arteko hitzarmena, jarduera ekonomikorako eremuak hobetu eta birrurbanizatzeko obrak finantzatzekoa, onartzea.
- Garraioaren Lurralde Agintaritzaren bidaiarien errepide bidezko garraio-zerbitzu publiko erregularrak harmonizatzeko erregelamenduaren aldaketa hasieraz onartzea.
- Batzorde Informatzaileen maiztasunaren aldaketa onartzea.
- Oiartzungo Elorsoro kiroldegia, Madalensoro pilotalekua eta udako igerilekua udal instalazioen zerbitzua kontratatzeko espedientea onartzea.
- Tokiko Gobernu Batzarrari emandako eskumena Alkateak bereganatzearen berri ematea (Pagoaga dorretxean hautsitako ingurumen-legezkotasuna berrezartzeari buruzko prozeduran).
- 2023ko 6. kreditu-aldaketaren (gaikuntza) onarpenaren berri ematea.
- Beste organoen jardueraren jarraipena.
- Eskari-galderak.
