Artista liburuen topaketa egingo dute Trintxerpen
VIII. Artista-Liburuaren Gipuzkoako Topaketen kariaz, Luis Barriosek konferentzia eman eta tailerra egingo dute gero.
Jardunaldiaren kartelaren zati bat. 
2023ko VIII. Artista-Liburuaren Gipuzkoako Topaketen aterkipean, De la tablilla de arcilla al libro de artista izeneko jardunaldia egingo dute Trintxerpen, datorren larunbatean.
Saioa 18:00etan hasiko da, Alkateordetzako areto nagusian. Luis Barriosek konferentzia eskainiko du, eta hitzartzea bukatuta tailerrari emango diote hasiera. Azken horretan bi artista libururen azalak sortzen ikasiko dute hala nahi dutenek.
Ekaitza, Topaketa eta Arteliburu taldeek Pasaiako Udalarekin elkarlanean antolaturiko ekintza da aipaturikoa. Emandako informazioaren arabera, ez da aurretik izena eman beharko saioan parte hartzeko; aski izango da hitzordua baino lehen aretora bertaratzearekin.
