Hasi dira Neguko Solstizioa-San Tomas eguna prestatzen
Bilerara deitu du Neguko solstizio-San Tomas Eguneko batzordeak ostiralerako 19:00etan Merkatuzarren. Herritarrak parte hartzera deitu ditu.
Santomas eguna Errenteria-Oreretan. Hasi dira lanean. Handia da Errenteria-Oreretako Neguko Solstizioa-San Tomas Eguna, eta handia da atzean duen lanketa guztia. Horregatik, dagoeneko lanean dira batzordea osatzen duten eragile eta norbanakoak, eta ostiralean, hilaren 6an, bilera deitu dute Merkatuzarren. Jaiarekin bat egin nahi dutenek parte hartzear deitu dituzte bilera horretan; 19:00etan izango da.
Bestalde, jakinarazi dute gaur bertan zabaldu dutela Neguko solstizioko azokan txistorra postua jartzeko eskaera egiteko epea. Hilaren 15ean amaituko da izena emateko aukera, eta eskaerak Zu! Zure Udala arreta zerbitzuan aurkeztu beharko dira horretarako.
Eskaerak dagokion eredua beteta egin beharko dira eta horiek ere arreta zerbitzuan eskuratu behar dira, edota online (egin klik hemen). Tramitazio guztia ere egin daiteke udalaren webgunearen bidez.
Oharra zabaldu du Neguko solstizio- San Tomas Eguneko batzordeak, azkenik: Txistorra postua jartzen duten elkarteek antolaketan parte hartu behar dute, eta aurretik adierazitako bilerara bertaratu beharko dute.
