Nafarroara joan eta gero, olinpiadak Aiton Bordan
Hilaren 27an joango dira Lezoko erretiratuak Elizondoko feria ezagutzera. Urri eta azaroko olinpiadak ere aurrera doaz.
Elizondoko ferian izango dira erretiratu lezoarrak hilaren 27an. Hilaren 27an Elizondoko ganadu eta baserriko gaien azoka ezagutzera joateko txangoa antolatu du Aitor Bordak. Irteerarako izena emateko epea zabalik da, Aiton Bordan: zuzendaritzakoak astearte eta ostegunetan izango dira bidaideen zain, 10:00etatik 13:30era. Elizondon goiza pasa ondoren, Doneztebeko Santamaria jatetxera joango dira bazkaltzera.
Aiton Bordako zuzendaritzak oharra zabaldu du, bidaien harira. Izan ere, irailaren 29an Gernikarako irteerarako autobusa ez zen bete. Hortaz, erretiratuen elkarteko agintariek erabaki dute edozein irteera hurbil dela, Aiton Bordako kideek ez badituzte autobuseko plazak bete, edonori aukera ematea txango horrekin bat egiteko.
Bestalde, elkartekideek oroitarazi dute urri eta azaroa bitartean egitekoak dituzten olinpiadetako jokoetan izena eman daitekeela oraindik. Zeregin horretarako, Elizondoko txangoaren antzera, astearte eta ostegunetan dituzte ateak zabalik herriko erretiratuek izena emateko, 1000etatik 11:30era. Jada izena emana dutenei esan diete pixkanaka pentsatzen has daitezela zer nolako dinamika izango duten olinpiadek. edonola ere, Behin izen emateak itxita, batzar orokorra egingo dute olinpiaden nondik norakoen berri emateko: hilaren 9an da, 18:00etan, Aiton Bordan.
