Umorez gainezka egingo du Pasaiak
Pasaiako Umorezko Antzerki Jardunaldiak egingo dituzte hilaren 20tik 29ra bitartean. Zer ikusi eta zer gozatu izango da barruti guztietan.
Coriolis konpainiak Manual antzezlana eskainiko du jardunaldien barruan. Antzerkia eta umorea eskutik helduko dira beste behin ere Pasaiara. Izan ere, hilaren 20an hasi eta 29ra bitartean PUAJ! Pasaiako Umorezko antzerki Jardunaldiak egingo dituzte. Sei emanaldi antolatu dituzte guztira jardunaldien barruan, eta barruti guztietara helduko dira. Lanak askotarikoak, eta oinarrian osagai bat: Umorea.
Azken hori ziurtatuta dago, ez dute alferrikakoa jardunaldiek soinean duten ibilbide luzea, honakoa 42.ekitaldia izango dute-eta.
Emanaldietarako sarrerak aurrez eros daitezke. Horretarako, egin klik hemen.
Hilaren 20a, ostirala
- Exacticamente diversa Ezezagunok konpainiaren antzezlana, Pasai Donibaneko Juanba Berasategi aretoan, 19:00etan. Gaztelaniaz. Sarrera, 5,56 euro. Sinopsia: Lewis Carrolen Alizia Herrialde miresgarrian obratik abiatuta, nork bere mugak gainditzeko barne bidaia da antzezlana. Pertsonaiak haien existentziari zentzua bilatzen saiatuko dira.
Hilaren 21a, larunbata
- Legea gu gara Cia Barsantiren antzezlana, Pasai Antxoko Biteri Plazan 19:00etan. Euskaraz. Sinopsia: Publikoa plazara gerturatu eta erdi-erdian furgoneta susmagarria aurkituko du. Sergio eta Erramun plazara iritsiko dira bertan ospatuko den legez kanpoko botilzarra ekiditeko. Iristean amaiezina bihurtuko den abenturarekin egingo dute topo.
Hilaren 22a, igandea
- Nunca he estado en Dublin Tentazioa konpainiaren antzezlana, Pasai Donibaneko Juanba Berasategi aretoan, 19:00etan. Gaztelaniaz. sarrera, 11,11 euro. Sinopsia: Amesti familia Eguberri gaua ospatzeko bildu da baina aurtengoa berezia da. Hiru urtez ikusi zez duten alaba gaztea, Elena, Londrestik itzuli da. Ez dator bakarrik, Cyndirekin dator, bere neska lagun irlandarrarekin. Inork ez du espero ordea, Cindy pertsonaia ikusezina izatea.
Hilaren 27a, ostirala
- Oh-Pera Zirko-Txoskoren antzezlana, Trintxerpeko Gudarien Plazan, 19:00etan. Sinopsia: Arriskua da nagusi obran: Oreka izugarriak, bikote akrobazia, aire akrobazia, malabareak… Egonkortasuna ez da existitzen. Bi pertsonaia hauek sortutako mundua etengabe eraldatzen ari da.
Hilaren 28a, larunbata
- Manual Coriolisen antzezlana, Pasai San Pedroko udal aretoan, 19:00etan. Sarrera, 8,89 euro. Sinopsia: Lan egiten duten eskuetatik, mugimenduetatik, erritmoetatik eta berezko trebetasunetatik abiatuta eraikitzen da obra. Kontzeptu unibertsalak, sakonak, gizatiarrak planteatzen dira, hala nola, beldurra, bakardadea, paranoia, matxismoa, indarkeria…
Hilaren 29a, igandea
- Winona & Grace Khea Ziather konpainiaren antzezlana, Pasai Donibaneko Juanba Berasategi aretoan, 19:00etan. Euskaraz. Sarrera, 11,11 euro. Sinopsia: Bi antzezle gazte zuzendari baten etxean esnatu dira, jai gau ero baten ondoren. Nahastuta eta oraindik zertxobait mozkortuta, apartamentuan bakarrik eta itxita daudela konturatu dira. Beren burua patuaren esku uztea erabaki dute.
