CIMASUBen argazki erakusketa, ikusgai urriaren 20ra arte
Itsaspeko Nazioarteko Zinema Zikloaren irudiak Trintxerpeko alkateordetzara mugituko dituzte. Udalak ekimenaren balorazio oso positiboa egin du.
Iragan astean Itsaspeko Nazioarteko Zinema Zikloa (CIMASUB) amaitu zen, baina oraindik ere argazki erakusketa ikusi daitekeela oroitarazi du Pasaiako Ingurumen Sailak. Ekimenak itsaso eta ozeanoekiko maitasuna transmititzea eta ingurumen zaintzan sentsibilizatzea du helburu. Orain artean Donibaneko kulturgunean egon bada ere ikusgai, aurrerantzean Trintxerpeko alkateordetzan egongo da, goizeko 10:00etatik arratsaldeko 20:00etara.
Aurtengoa bigaren edizioa izan da, bi hamarkadako etenaldia ondoren Ingurumen Sailak ekimena berreskuratu zuenetik. Arduradunek, aurtengoaren oso balorazio positiboa egin dute. Aurreikuspen guztiak “gainditu” dituztela adierazi dute, eta egunen joanean geroz eta jende gehiago hurbildu dela. Are, herriko ikastetxeekin batera antolatutako “Txikizikloak” 150 haur baino gehiago batu zituela azpimarratu dute. Ekimenean, guztira, 300 pertsona inguruk hartu dute parte.
