'Hotel Transylvania 2' Pasaiako Zinema Txikiaren hurrengoa

Datorren larunbatean izango da emanaldia, Juanba Berasategin. Trintxerpetik motora zerbitzua izango da 17:00etan.

Juanba Berasategi.

Martxan da berriro Pasaiako Zinema Txikia. Hurrengo emanaldia larunbat honetan izango da, Juanba Berasategin. Hotel Transylvania 2 filma da emango dutena.

Ikasturte honetako emanaldi guztiak 17:30ean hasiko dira, eta Donibanera bertaratzeko garraioa behar duenari motora zerbitzua eskainiko diote Trintxerpetik, 17:00etan. Antolatzaileek ohartarazi dute aretoan ezin dela ez janaririk ez edaririk sartu, eta haurrek arduradun batekin joan beharko dutela.

Azken araua hori izanik ere, zentzuz jokatzeko deia egin diete familiei antolatzaileek: “Haurrei zuzendutako ekintzak direnez, mesedez, lehentasuna beraiei eman”. Sarrerak Bibe plataformaren bitartez eskura daitezke, filmaren titulua bilatuz bertan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.