Lezotik Bilbora, oldarraldiaren kontra
Autobusak antolatu dituzte Lezon azaroaren 4an Bilbon egitekoa den manifestaziorako. Lau tokitan jarri dituzte izen ematerako zerrendak.
![](https://oarsoaldea.hitza.eus/site/files/2023/10/oldarraldia-kartela.png)
Euskalgintzaren Kontseiluak, euskararen normalizazioan eragiteko hartutako erabaki politikoen kontra epaitegietatik iristen ari diren kontrakotasun erabakiak salatzeko manifestaziora deitu du jendartea azaroaren 4rako (larunbata), Bilbon. 17:00etan aterako da martxa. Hara joateko Lezotik ahalik eta autobus gehien bete nahi dituzte.
Jada zabalik daude autobus horietan izena emateko zerrendak: Lezo Herri Eskolan, Pasaia-Lezo Lizeoaren Lezoko egoitzan, Oroitzene AEKn eta Tiñelun daude. Bilborako joan-etorriaren prezioa bost eurokoa da adin txikiko, erretiratu eta langabeentzat; eta 10ekoa gainontzekoentzat.
Azaroaren 4an, 15:00etan aterako dira manifestaziora joateko autobusak, Ijurkotik.