PSE-EE: "Alternatiba arduratsua eta zentzuzkoa aurkeztu dugu"
Gobernu taldeak egindako ordenantza fiskalen proposamenarekin ez dator bat PSE-EE. OHZ izoztea eta Hondakinen bilketaren tasan proposatutako %8ko igoerarekin ez datoz bat sozialistak.
Iñaki Ruiz, Isaac Palencia eta Montse Cano sozialistak gaurko agerraldian. Gobernu taldeak 2024ko proposatutako ordenantza fiskalekin ez dator bat PSE-EE. Hala esan du Isaac Palencia alderdi sozialistako eledunak gaur goizean Montse Luis eta Iñaki Ruiz alderdikideekin batera egin duen agerraldian. OHZ Ondasun Higiezinen gaineko Zerga izoztea eskatu dute, eta hondakinen gaineko tasan gobernu taldeak proposatutako %8ko igoeraren aurka azaldu dira, “Gipuzkoako Ondasun Higiezinen gaineko Zerga altuenetako bat du Errenteriak”.
Hori baieztatzeko, datuak eman ditu Palenciak: “Errenteriak o,24koa du zerga-tasa, Irunek 0,2119, eta Donostiak, 0,1895koa. Inguruetako herriei dagokienean, Pasaiak 0,2105, Lezok 0,21, eta Oiartzunek 0,1877ko zerga-tasa dute”.
Hondakinen gaineko tasa %8 igotzearekin ere ez datoz bat PSE-EEkoak, “ez gaude ados igoera proposamen horrekin, komertzioen kasuan %10eko igoera proposatu dute gainera. Ez da gaia landu batzordean eta igoerak ezarri aurretik, gaia Hondakinen Aholku Kontseilura eraman eta aztertzea eskatzen dugu, zerbitzuaren kostuaren txostena eginda. Horiek beteta, beharrezkoa bada datozen urteetarako igoera aurreikuspena egitea proposatzen dugu”.
Bi neurri horiek jasotzen dituen proposamena gaur bertan erregistratu dute udalean, baina horiekin batera, beste hainbat puntu ere txertatu dituzte . Hala, hutsik dauden etxebizitzen errekargua %100ean mantentzea proposatu dute sozialistek, “hutsik dauden etxebizitzen egoera aztertzea eskatzen dugu eta igoera ezarri aurretik neurri osagarriak indarrean jartzea propoatzen dugu aurkeztu dugun alternatiban”. Bestalde merkatari eta ostalariei ekintzak antolatzeko den kasutan bide publikoa okupatzeagatik ordaindu beharreko tasa ordaindiu behar izatea jaso dute proposamenean, “salbuestea eskatzen dugu, ikaragarria iruditzen zaigulako kontzertu bat establezimendu ondoan antolatzeagatik 130 euro ordaindu behar izatea”.
Hobaria nahi dute, bestalde, aniztasun funtzionala edota 65 urtetik gorako pertsonen irisgarritasuna hobetzen duten lanentzat, “eta salbuestea sute, uholde, edota leherketen ondorioz sortutako kalteak konpontzeko direnean”. Udal kirol instalazioen zerbitzuei ere egin diete erreferentzia gaurko agerraldian: iazko udazkenetik Kirol Ekintzak izeneko ikastaroak abonu orokorren barruan txertatuta daude. Uste dugu erabiltzaileen artean bereizkeria egiten ari dela Kirol Ekintzak sortan sartuta ez dauden ikastaroak ere doakoak izatea eskatzen dugu beraz erabiltzaileentzat, bonu orokorrean txertatzea denak”.
Bste hobari proposamena. Hori, %33tik gorako aniztasun funtzionala agiria duten erabiltzaileei %75eko hobaria ezartzea. Bukatzeko, gazte adina zabaltzea eskatu dute, “gaur egun 14 eta 18 urte arteko gazteak daude sartuta gazteen adin tarte horretan, hori aldatu eta 30 urtera arte zabaltzea eskatu dugu, hau da, 14-30 urte artekoak izatea gazteak kontsideratzeko adin tartea”.
