Mugen gainean mintzatuko dira etxebizitza komunitarioan
Hiru zineforum antolatu dituzte etxebizitza komunitarioan mugen gaiaren gainean; herritar guztiei zuzenduta dago.
Galtzarabordara igotzeko bigarren maldaren inguruan dago etxebizitza komunitarioak jasoko dituen eraikina. Errenteriako etxebizitza komunitarioan bizi direnek hiru zineforum antolatu dituzte. Horiek guztiak, egungo testuinguruari lotutako gaiaren gainekoak izango dira: Mugak. Gaia lantzeko hainbat proiekzio egingo dituzte etxebizitza komunitarioan hilabete honetan zehar.
Lehenengoa bihar izango da, hilak 8, eta Aita Mari proiektatuko dute. Hilaren 15ean, asteazkenarekin, egingo dute bigarrena: Joan eta bizi; hilaren 29an, berriz, asteazkena ere hori, Fedayin proiektatuko dute. Emanaldi guztiak 19:00etan egingo dituzte etxebizitza komunitarioan bertan —Urbia plaza, 2—.
Helburua komunitatea mugekin lotutako arazoen gainean sentsibilizatzea dela esan dute, “eta proiekzio bakoitzaren ondotik, eztabaidak sustatzea. Halaber, etxebizitza komunitarioaren proiektua herritarrei zabaltzeko eta ezagutarazteko aukera izango da”.
