Euskararen biziberritzean lanean ari diren eragileek hitzordua dute
Pasaiako Euskararen Aholku Batzordeak, Bokalek, euskara indartzeko ahaleginean dabiltzan eragileen topaketa bat antolatu du Pasai Antxoko kultur etxean. Ekitaldia hilaren 15ean izango da, 18:30etik 20:00etara.
Pasaiako Euskararen Aholku Batzordeak, Bokalek, euskara indartzeko ahaleginean dabiltzan eragileen topaketa bat antolatu du Pasai Antxoko kultur etxean. Ekitaldia hilaren 15ean izango da, asteazkena, 18:30etik 20:00etara.
Topaketa Pasaiako Udalarekin elkarlanean dabiltzan eragileei edo barrutietako euskaltzale batzordeetan dabiltzan norbanakoei zuzenduta dago. Hau da, ez da ekitaldi ireki bat, euskaltzale aktiboei bideratuta dago, izan norbanakoa edo eragilea.
Topaketaren helburua da euskararen biziberritzean lanean ari diren ordezkariak elkartzea, Pasaian egiten ari diren lanaren berri izan eta haien parte hartzea balioan jartzeko.
Asteazkeneko ekitaldian, Teo Alberro alkateaz gain, Pasaiako eragileen ordezkariek hartuko dute hitza. Jaime Altuna antropologo aditua ere kultur etxean izango da euskararen aldeko herritarren aktibazioaren garrantzia nabarmentzeko. Azkenik, herritarren aktibazioa landu duten bi egitasmo sarituko dituzte. Ekitaldia bukatzeko, luntx bat ondu dute.
Saiora bertaratu nahi dutenek helbide elektroniko bidez ziurtatu behar duten beren asistentzia.
