Letizia Vergara mezzosopranoa ariko da Santa Zezilia egunean
Andra Mari abesbatzaren egoitzan ariko da, hark eta Musikenek emandako Jose Luis Ansorena Beka irabazita. Amaia Zipitria izango du lagun.
Azaroaren 17an Santa Zezilia eta Musikarien Eguna ospatu ohi da. Hori dela eta, Andra Mari abesbatzak emanaldia antolatuko du datorren ostiralean. Arratsaldeko 18:30etik aurrera, abesbatzaren egoitzan ariko dira Letizia Vergara mezzosopranoa eta Amaia Zipitria pianista. Sarrera doakoa izango da.
Vergarak aurten III Jose Luis Ansorena Beka irabazi du, eta hori Andra Marik Musikenerekin batera eskaintzen du. Laguntzaren xedea Musikeneko master ikasketetako ikasleak diruz lagundu eta formakuntzan sakontzeko baldintzak jartzea da.
